أنا والبطيخ والباذنجان وألأستاذ وسخ ....تاني وتالت

مصدر الصورة : = :Quelle des Bildes

هذه مجرد تكملة لقصة ناقصة بدأتها منذ فترة وكدت أن أنساها لولا أنني بتقليبي للجرائد المصرية المختلفة لقطت الخيط مرة أخري لكي لا أنسي وجع القلب ... إذا ما أردت أن تقراء ما فاتك ...فإجري بسرعة أقراء الجزء الأول هنا وبعيدين تعالي كمل غدائك أو حتي العشاء مع الجزء التاني معي ولما تخلص خالص منها أقول أي حاجة ، أنا صدري واسع وحتي المتخفي وبدون أسم "نكرة / مجهول الهوية" بنعطيه الفرصة يخرف عندنا.

...

الراجل صاحب العزبة نط وهب في البانيو - لأ مُش البيسين ولا حتي حمام السباحة- وهو يصرخ

- "يوريكا .... يوريكا ... لقيتها ...لقيتها ... أبعتو هاتوا لي الولد العكروت إبني الصغير عبقري زمانه"

دخل عليه ناظر العزبة وهو يتسائل ويولول :

- " خير ...خير اللهم إجعله خير ... آخر مرة قال فيها كلام زي ده .... سقطت خارطة الدويقة في المقطم....مين ياصاحب السعادة ؟؟ سعادتك عايز مين فيهم بالظبط ... الولد الكوبيرة وألا الباشا الصغير؟؟

- "صغير مين ياكلب ... ياناظر العزبة .... ياللي ياللي .... شورتك منيلة بنيلة ... رتبتك لم تتعدي الرائد علي البيض ... ده عنده عقل عبقري زمان وأشطر من أنا شخصيا الف مرة... هاتوه بسرعة أنا عايز أقول له الحل..... بسرعة ياغبي"

يهرول الغبي ومتصنع الذكاء .... ناظر العزبة .... ويبدأ في إتصالات هنا وهناك ويحاول في تفكيره أن يطغي علي الشتيمة التي يسمعها من صاحب العزبة في كل مناسبة ’ عمال علي بطال’ ...

أخيرا يحضر الباشا العبقري ويُدخل فوراً علي صاحب العزبة في الحمام ويري صاحب العزبة والده وهو يلعب ’ باليتجر أنته’ وهو مازال يغني .....

- "يوريكا ....يوريكا .... هو ده الحل العبقري لكل المشاكل .... تعالي ياولد أقعد هنا جانبي ... بص العزبة خلاص خلصنا علي خيرها زي ما أنت عارف .... الولية القاروبة .... ما خلتش فيها لحد غيرنا حاجة خالص ..... كل حاة ممكن تتباع ... باعتها ... كل حاجة ممكن تتعمل لفلوس ... عملتها ... ودلوقت لازم لنا نألف مسرحية جديدة بس أي ياولد ... حاجة جديدة خالص..."
- "طيب يابا لما بتقول إن كل حاجة تعمل فلوس عملتها الولية القربة ومافيش حاجة تانية فاضلة ممكن إنها تتباع بفلوس.."

- "هنا مربط الفرس ياعبقري زمانه ... إحنا راح ندهن الهواء دوكو ونعبيه في قزايز ونبيعه مُعبئات ندلعها ونسميها

صكوك مجتمعية

لكل موطن شريف في العزبة"

- "يانهار أبوكم أسود .. دا إنت طلعت أكبر عبقري في الناحية يابا الحاج"

- "لأ ...ومش بس كدة ...الفكرة العبقرية دي علشان هي -العزبة من بعدنا وبعد عمر طويل لنا ولأولادنا وأحفادنا - كده أو كده خربانه لازم نخليها وكأنها فكرة الراجل المُغفل ناظر العزبة -لازم نقنعه إنها مشورته ،الشريفة ولوجه الله ، هو المغفل ويطلع بيها علي الناس- ... وهنا بقي مهمتك العبقرية تبيعها للناس علي إنها لصالح الناس أولا وأخيراً وكمان فكرة الزبال ناظر العزبة الشريف ، اللي عمرة ما نهب حاجة فيها ...ونطلع الأخوة المطبلاتية والمزمراتية يهللولوا للفكرة في كل الجرائد اللي البهايم بيفرشوها تحت البرسيم علي الطبلية ساعة الأكل ... أيه رأيك ياعبقري؟"

- "أنا؟ عبقري؟ يابا الحاج!! ده أنت طلعت ميه من تحت تبن و أكتر من الف عبقري في الناحية ... يا مدوخهم ومهنييهم .... ياأبو ... شعر كله أسود لغاية دلوقت رغم شبابك البض ده كله ...ياعُقر."
في تاني يوم نقرا في جريدة مشابهة لجرايد عزبتنا - هذه حقيقة وليست مزحاً ، فقط حُرفت ألأسماء بها لمنع قضايا التشهير بالعظماء - الجريدة المناظرة لجريدتنا في العزبة نشرت خبر مماثل ونحن نؤكد إنه ليست لنا علاقة صحفية أو عائلية بهم , كما إن تشابه ألأسماء وارد ولا حرج عليه:

"... الحزب والحكومة يبحثان برنامج الملكية الشعبية :- تلقي ناظر العزبة امين عام الحزب الواصل تقريرا شاملا من د‮. خبلان محيي الحق وزير الاستثمار حول اللقاءين اللذين عقدهما مع حزبي الوحدات العالميون والتجمعات الحوزبييية لمناقشة برنامج الملكية الشعبية الذي سيطبق من خلال نظام جديد لادارة الاصول المملوكة للدولة،‮ ‬وصرح د‮. ‬محيي الحق بأنه سيعقد خلال الايام القادمة لقاءات اخري مع كوادر الحزب الواصل والاحزاب الاخري واتحاد العمال والباحثين واساتذة الجامعات المتخصصين في القانون والادارة والتمويل،‮ ‬كما يلتقي مع دوائر الاعلام والمفكرين‮. ‬واكد الوزير رغم ان الحكومة اخذت وقتا طويلا في اعداده إلا انها حريصة علي الاستماع لكل الاراء التي تطرح خلال اللقاءات ولن تتقدم به للبرلمان الا بعد صياغته بشكل يحقق المصلحة العامة واصداره في صيغة تلبي هدف تطوير برنامج ادارة الاصول‮.. ‬قال د‮. ‬محيي الحق ان دكتور نايل وسخ رئيس الوزراء سوف يعقد عدة لقاءات مهمة خلال الفترة المقبلة مع مجموعات العمل الفنية التي صدر قرار بتشكيلها وذلك لمناقشة الجوانب القانونية والتنظيمية للنظام الجديد‮ة."

فزورة المليون رنة موبايل

خلاص ...توتة توتة خلصت الحدوتة ...يالا قاعدين ليه؟ ماتقوموا تروحوا .. يالا ...خلاص ...بح ... مافيش

- تعليق الكاتب المزيف بفزورة الملين رنة موبايل من مطرب الحشيش ليلة العيد الكبير : " ... سلم لي علي النظام الجديد"

- هو فين ... هو فين ..؟
- هو مين؟
- الراجل اللي بيغني مع المكوي اللي برجل وكمان مُتسبب في إرتفاع ثمن الذهب في البورصات العالمية لكثرته علي صدره

- مين ...مين ؟؟؟ قصدك مين؟؟

لو عرفت الحل لا تحتفظ به لنفسك ولا تبخل به علينا