(إجابه على سؤال عابر(2

IskanderaniAlwalad: إجابه على سؤال عابر

أنا من ضيع فى ألأوهام عمره

من يستطيع أن يحكم ويقول هذا؟؟

أليس ليّ الحق فى البحث عن الحقيقة "النسبيه" حيث أعلم جيداًٌ إنه لاتوجد حقيقه مُطلقه وكلًٌُ له حقيقته ...والتي يمكن أن يراها البعض فى لحظات النقاء النفسى بداخله بينما تظل ُمحجمه لا تُري ولاتُستكشف من البعض الآخر ... رغم بحثه الدائم عنها بلا هواده ولاكلل

.

.

.

.

هل أنا من ضيع فى ألأوهام عمره؟

.

.

.

.

أنا من ضيع فى ألأوهام عمره؟
.
.
.
أنا من لم يُضَيع فى ألأوهام عمره

.

.

.

.

وإستمرارى فى البحث عن الحقيقه منحنى القدرة على ألإستمرار في رؤية جمالها (جمال الحياة) فى الكثير من ألأشياء التى اعيشها واللمس متعتها فى كل ما أقوم بعمله سواء كان قراءه أو رياضه أو عمل أو راحه أو أكل أو شرب أو حب أو نوم أو تفكير و تأمل - لأ ده مالهوش دعوه بالقمل- فكر التأمل متعة الحياه

على فكره ....هى ..نعم هى ..وليس أي شخص آخر .... هى الحياة بذاتها وبلذاتها ....

العمل عباده

المتعه عباده

الاكل بشهيه عباده

الحب عباده

رؤيه الجمال والشعور به ولمسه نقاء نفسى

.

.

.

فكُر / فٌكُرى فى هذا بعمق وتركيز مادي ومعنوي

إذا كان لك / لكى رأي آخر يسعدنى أن ُألم به

(لا..لا.. ده مالهش دعوة بالقلم...لا الرصاص منه ولا الحبر )

وللحديث بقية تأتى إن كان لى عُمر

إجابه على سؤال عابر

سألني صاحب لايعرفنى معرفه جيده لانه فقط منذ مده قصيره قد تعارفنا - وله كل العذر فى ذلك- لان الفكرة الشائعه عننا نحن المهاجرين إننا نعيش فى بلاد المهجر وكإننا ولدنا هناك-. سألنى صاحبى: ًهل انت متأكد إنك فعلا سيبت إسكندريه؟ٌ ٌ فقلت له نعم تركتها فقط بجسمى أما عقلى فهو تربيه مصريه %100 . وقلبى صحيح موجود بداخل جسمى ولكنه لا يطاوعنى وماشى على حل شعره..آه منك يا(ك)قلبى .يافارسنى . آه منك ياقلبى يا مغلبني . . . مغلبنى قلبى هذا . . موش عارف اعمل معاه أيه ...ومش بس مغلبني وبس. . . . لأ ده كمان واخد معاه معدتى وكل يوم والتانى يسرح بعقلى معاه فى ذكريات توجع موش بس القلب ....لا ... لأ .. لآ.. لآ.. لآ.. لآ .... توجع الكلى والمخ والقلب والشرايين والرأتين وكمان صوابع القدمين....طيب انا راح أديك مثال صغير ..معاك حاجه تاخد فيها ولا اجيب لحضرتك شنطه بلاستيك.....ولا كيس ورق زوزو.... كويس ان معاك ...... النهارده طلب قلبى منى إنى أرجعه لايام زمان . . . وقال لى ايه رأيك انا عاوزك ترجع 45 سنه وأكتر للوراء .... وتروح تجيب طبق فول من عند عم محمد بتاع الفول فى شارع الحلميه . موش بس كده .... . وعايزنى وأنا رايح امسك بالطبق وكأننى ماسك الدركسيون بتاع العربيه اللى ماكنتش أعرف هى ازاي تتساق..... زى ماكنت باعمل زمان. . وأجرى فى الشارع بالطبق وأزمر ببقى. .تووووت . . .تووووووت ...... بيييييب ..... بيييييب ...... . . قلت لقلبى لأ.لأ.لأ. يعنى لأ والف لأ..... أنا نسيت الحاجه دى ..وبعدين شوف بقى أنا كبرت وبقيت راجل كبير . .عنده بيت وزوجه وبنت . . .قلبى فضل يضحك ويشاور علي .. قال كبير قال . .دا إنت من غير الذكريات دى تبقى فقط 2/1 ممدوح..و يرفع حواجبه -علامه الاستعجاب والتعجب يعني !!!!!- و يقول لي . . . هو علشان يعنى انت كبرت . . . . . موش بس فى السن . . . فى المقام كمان . .وما باشوفكش الا وانت بالبدله والجرافته لزوم الشغل يعنى. . . . واخدت لك كام شهاده عليا وكام دبلوم من الجامعات. . . مش عايز تفرح زي زمان وتفرحنى معاك وتخللينى أضحك عليك و معاك. . ده انا بقالى اكثر من سنه ماشفتش الفول . . . ارحم ياسيدي . . أرحم ياعم .... أرحم ...أرحم ؟ لا . . .والف لا .!!!بص انا قلبك آه .... بس انا ممكن اكلم لك عقلك يخالفك . . . . شويه ولقيت عقللى بيتكلم بطريقه لم اعتادها من قبل . . .أنا عقلك . . . .أنا عقلك . .أنا عقلك الواعى ... .أنا عقلك الباطن .... وبدونى . . .انت لاتسطيع فهم المساءل المعقده اللى بتمر عليك كل يوم سواء في الشغل او في الحياه .. بلاش ياعم من السواقه بالطبق فى الشارع زي زمان.. . . موش حاطالبك بشئ انت لا تسطيع عمله . . . أنا موش عايز منك غير طبق فول سخن بالليمون وزيت الزيتون والزعتر. . . .كتير على قلبك وعقلك دى؟ قلت له . . أنتم إتلمتم على بعض وإتفقكتم خلاص ....مافيش فايده (قالها سعد زغلول زمان.... صوتى ياصفيه) ..... لا موش كتير عليكم. دا انت قلبى اللى جايب لي وجع الدماغ.. . .وانت عقلى اللى عامل منى واحد محترم .... هو انا أقدر أأخر لكم طلب. انا راح اعمل لكم فى اقرب فرصه طبق فول ما أكالهوش حتى تحتمس ولا حتي رمسيس الثانى اللى شالوه فى بر مصر وكنا معلميين به المحطه راح نتوه عن قريب .. ... .... اخدت بعضى وانا مروح من المكتب (الكلام ده كان من كام يوم لكن طلع فى نافوخى النهارده للكتابه) ومريت على المحل اللبنانى وإشتريت الفول الناشف وسويته ؛ قصدي دمسته ؛ احسن قلبى ده مايحبش الا الفول المدمس ..... ياقلبي يالللى جايبلى الوجع .... لا تسألنى ارجوك انا دمست الفول فين وكيف واين والذى منه . . .هذه أسرار . .شوف والنبي طبق الفول اللى فوق- هو صحيح ناقص البصل الاخضر جنب الفول لكن ماعلهش المره دي سماح- وقل لى رأيك ايه . . . . . .رأيك ايه فى وجع قلبى وعقلى. . . موش فى الفول ياسيد يامحترم \ ياست يامحترمه. . . . لان الفول %100 آخر حلاوه ... ومفيش حلاوه زي كده . . . . وتاكل صوابعك وراه . سلامة صوابعك يامحترم ويا يست الكل...أتفضلوا معانا علشان يبقى عيش وفول - قصدي عيش وملح- ولما قلبى يطلع لي بطلب تانى غريب موش راح أخبي عليكم . . . راح احكي لكم وجع قلبى ووجع بطنى كمان لو فى وقت للحكايات . . . وللحديث بقيه تأتى . . . .ربنا ما يجيب لكم وجع قلب ويجعله دائما بالفوووووووول عامر . . . .

قهوة الصباح.... النهارده سكر زياده

استيفظت فى الصباح مبكرا بالرغم من ان النهارده الاحد وانا نفسى فى القهوه... ايوه النهارده الاحد عندى بعض الوقت حثى الساعة التاسعه والنصف 2\1 9 موعد ماتش التنس النهارده .....ليلى مازالت نايمه....لابد وان اكون هادئ بعض الشئ حتى لا تستيقظ ...حتى تنام كما تريد .... بالرغم انى عارف إنها بتحب ريحة القهوة لما اعملها بهدؤ على السيبيرتايه وتسإل ببرائه الاطفال....بابا ليه مابتستعملش die Kaffee-Maschineًٌ اعطيها الرد....... لا.... لا.. كافيه ماشين ايوه دى الغاليه قوى دي ... الكافيه ماشين الغاليه قوى دي .......احاول بقدر الامكان ان اعطيها جواب ُمقنع كما تعودت مني ا.ا ..هه.لا أدري ماذا اقول لها الان لو كانت صاحيه..احاول بقدر الامكان ... ان اعطيها جواب مقنع ....كما تعودت مني ان..أجيبها...الحمد لله مازلت نايمه...اُمر على الحمام... بعد غسيل أسنانى والدوش السريع اشعر بالرغبه اكثر فى إحتساء القهوه الساخنه ..انا اصبحت فعلا..الان صاحى.. انظر بسرعه في المرآه ....المرآه يعلوها الضباب ولا استطيع رؤية وجهى بوضوح.... .واقل لنفسى..كويس انى مش قادر على رؤيه تضاريس ومعالم وجهى بوضوح... دارت الايام وتركت علاماتها فى الوجه ......لتشعر بمرور الزمن ....تمر بخاطرى افلام كثيره متداخله وتتزاحم الافكار فى رأسي وانا انزل السلالم في طريقي الى المطبخ فى الدور الارضى ........كام من السنين مرت على فى المهجر ..افوت على حجرة ليلى ...اسمع صوت انفاسها ...قل لنفسى .. كويس ..لم اكن صاخبا هذا الصباح ....افتح الدولاب حيث علبة القهوه تحفظ ...... آخذ العلبه بيدى ُمتفحصا إياها .....مُتسائلا....لا...لا...راجيا.ولست متسائلا.. ان يكون مزال بهابعض القهوه .......بحركه لا إرادئه آخذ السيبيرتايه وتتارجح ابتسامه على شفتاى لاننى وجدت السبرتايه وعلبه القهوة بثقل- فتحه والنبى على الباء و كسره تحت الثاء لو سمحتى يا أم على ارجوك -إبتسامه تعلو شفتاى تنم عن عدم فراغ المحتوى..فى علبة القهوة والسيبرتايه..اقل لنفسي...أيوه فيها قهوة والدماغ راح تعمر....آخذ الكنكه اللى بتاخد فنجانين احسن..رغم إننى وحدى فى المطبخ فى هذا الوقت..أنا محتاج ليس فقط فنجان واحد النهارده .... النهارده لازم أصحصح اكتر علشان النهارده عايز العب أحسن من المره اللى فاتت وإتغلبت فيها بجداره0:3 ...(3:6,2:6,4:6).ايوه انا اكره الهزيمه ..فى اى شئ .ليس فقط فى الحياه العمليه وإنما أيضا فى الرياضه.اكره الهزيمه جدا.....انا أحب قهوتى سكر مظبوط ... ... بس النهارده راح اعملها سكر زياده علشان يكون عندى طاقه زياده ..... يالا ياعم زقطط ..زقطط .. زقطط..ياعم راح تفرج.. كررت الكلمه اكثر من مره وكأنى أداعب نفسى بالكلمه.... انا فعلا فى حاجه لبعض المداعبه ...حتى لو كانت المداعبه فى الخيال.. ... قهوه وسكر زياده كمان .... قطعه من الجبن مع العيش وكباية بليله باللبن -من حلة البلييييييييييييييييلة اللى أنا عملتها إمبارح.....الله على البليله - وعليها كمان تلات معالق سكر وبعض الاشياء الاخرى -انا احب السكر والحلو علشان كده البليله لازم مع لبن وسكر ......و ........ أكلت كل البليله .....شربت اللبن المتبقى فى الكوب -عملت قهوتى بهدؤ... فمازل عندى بعض الوقت لانى ساذهب وحدي بدون المرور على صاحبى هنرى فى البيت .... شربت القهوة وشعرت بالسعاده تلاعب لسانى وأنا أستطعم قهوتى فى الصباح ....شفتاى العقهم بلسانى وأتلذذ الطعم الذى أصبح عندى رغم سنوات المهجرالطويله لا يفارقنى فى الصباح .

.............وللحديث بقيه ..... تأتى